Va la lluna amiyando, cayendo,
y l'aurora, 'ntamando asomar,
pe l'arena fresquina espardiendo
so llume al riscar;
van la Xana y les otres fuxendo....
coyidines del mantu d'Aglaya
dexando la playa
de Cueves del Mar,
y aloxando so dulce cantar,
bur bur del rumor
del agua al rollar,
q'arruxinda con pena y dolor...
-Yo bordo la mar...
-Yo bailo na flor...
-Yo puedo atropar,
coller y llevar
suspiros d'amor.
